Anche in tempo di Covid con tante tradizioni che diventano impossibili da poter portare avanti, grazie all'impegno di alcuni uomini e donne di cultura si prova a non disperdere quello che per tanti anni è stato l'appuntamento irrinunciabile del Carnevale castelvetranese, la lettura del testamento che lu Nannu e la Nanna, simboli delle manifestaizoni carnascialesche, poco prima di essere dati alle fiamme, leggevano con i lasciti a politici e notabili del paese che per una volta venivano allegramente presi in giro. A portare avanti questa tradizione Anna Gelsomino e Francesco Saverio Calcara che sono diventati i custodi di una tradizione che rischiava di andare perduta. Con l'ausilio dell'associazione culturale “Le Sibille” presieduta da Assunta Carlino.è stata organizzata una lettura in streaming e noi viproponiamo il testo integrale. Buona lettura e buone risate.
TESTAMENTO DELL’ANNO DI GRAZIA 2022 – II DOPO IL COVID
PARTI DI LI NIPUTI
BARONE:
Come siete inelegante
con quest’abito sgargiante!
DONNA LUIGIA:
Il colore va di moda,
non pestatemi la coda.
BARONE:
Avrei certo preferito
un colore meno ardito.
DONNA LUIGIA:
Non si vede solo addosso di recente a noi ragazze
ma perfino al basolato del sistema delle piazze.
BARONE:
Anche il primo cittadino
dichiarò sul gazzettino
di trovare più adeguato
un colore più attenuato.
In attesa che la pioggia
ci regali tale effetto,
auspichiamo che egli impari
il colore del rispetto.
DONNA LUIGIA:
Tuttavia, non è il momento
di parlar d’abbigliamento.
Poiché il nostro amato Nanno,
puntualmente come ogn’anno,
di testare ha terminato,
ma il notar non ha rogato,
poiché il Nanno, consigliato
del Comun da uno scienziato,
di trattarlo “qualimente”
da gratuito consulente,
pretendeva non pagare
e il notar fece incazzare.
Però il Nanno, ch’è testardo
e cocciuto come un mulo,
senza porre alcun riguardo
il notar mandò a fa’ ‘n culo;
e così anche quest’anno
tale antica tradizione
fu affidata a noi nipoti:
la marchesa ed il barone.
SI LEGGI LA PARTI DI LU NANNU
Oggi all’annu, li niputi, lu me cori avìa spiratu
chi st’armalu disgraziatu fussi mortu scafazzatu.
Ma, purtroppu, la ‘gnizioni chi mi fici ‘nta lu vrazzu,
pi mantenini vicini, ‘un’ha cunchiurutu un cazzu;
puru av’annu d’abballari ‘nta lu Chianu semu privi,
però ammenu ringraziamu picchì semu ancora vivi,
ma a li voti quannu penzu e riflettu sulu sulu
la ‘gnizioni di lu vrazzu mi la sentu ‘nta lu culu.
Stu fitusu di virmazzu chi lu chiamanu corona
pi na pocu ci vulia, ci finìu pi veru bbona.
Si incheru li sacchetti formacisti e consulenti,
pi ‘na pocu fu calunia p‘un cunchiuriri cchiù nenti.
Ma la ‘gnoranza, sintiti a mia,
è cchiù dannusa di la malatia,
fu ‘na disgrazia ‘na vera mazzata
soccu successi dda santa jurnata.
Tutti li presidi di li scoli
eranu misi, comu Diu voli,
e di lu sonnu eranu cotti
chì s’avia fattu la mezzannotti,
mentri aspittavanu l’ORDINANZA
cu li manuzzi ‘ncapu la panza,
e ogni presidi era cunfusa:
la scola è aperta o la scola è chiusa?
E li studenti pi nun sbagliari
si nni futteru e si jeru a curcari.
Poi finalmenti appena agghiurnà
di la Comuni la carta arrivà.
Ma quannu ficiru lu controllu
‘un ci affacciava lu protocollu,
picchì lu sinnacu capì capicollo
e fu pi chissu chi ci fu lu ‘mbrogghiu,
ch’iddu ci dissi. “No grazie, ‘un ni vogghiu”.
Puru si c’è cu c’abbagna ‘nta ‘sta granni pandemia,
‘un vulissi mai lassari li niputi pi la via.
Picchì chistu è lu momentu chi li cosi s’hannu a diri,
e si c’esti a cu ci abbrucia ni lu jurici pô ghiri.
E trattannu di niputi di grandissimo blasone
di parlare di don Carlo mi è gradita l’occasione.
E per non dimenticare, lo segnai sul calendario:
pi Natali iddu facia lu sô quintu centenariu.
SI LEGGI LA PARTI DI DON CARLU
‘Un vogghiu essiri ammintuatu,
chi sugnu veru troppu ‘ncazzatu,
chi jè un gioiellu v’avìa lassatu,
ma lu Paisi ora è ziminnatu.
Cinqucent’anni chi sugnu mortu,
m’aviti a diri siddu haju tortu,
pi tanti seculi lu me Paisi
mi l’haju taliatu misi pi misi,
chì a Santu Minicu dintra la fossa
jè ci trasivi sulu cu l’ossa,
ma la me arma mai la lassà
sta me carissima e amata Città,
e v’assicuru ‘nta cinqucent’anni
mai havia vistu tanti di danni
chi lu paisi si scafazzà
‘na para d’anni a veniri cca.
Nannu, nun sugnu ‘mbriacu né loccu,
ci su’ cchiù danni di lu Sciloccu.
Anchi si ancora ‘un haju caputu
cu è chi funi ‘stu ‘ran curnutu,
ma o fussi spertu o fussi minchiuni,
‘sta vota vogghiu cuntu e rraggiuni.
E poi, o Nannu, pi continuari,
vogghiu chi aviti a raccumannari
a ‘sta maniata di foddi architetti
chi a fari libbra si sentinu sperti,
chi prima di scriviri e di copiari
macari a leggiri s’hannu a ‘nzignari.
RIPIGGHIA LA PARTI DI LU NANNU
E ora, li niputi, stati attenti
chi vi cuntu lu fattu di lu Presidenti.
Quannu ci scarìu lu settennatu,
Sergiu già m’avìa telefonatu.
Mi dissi: “Nannu, ‘un viu già l’ura,
jè mi nni scinnu prima chi scura.
E mi nni nesciu di ‘stu ‘ran ‘nfernu,
già m’affittavi un quartinu ‘n Palermu”.
Jè, chi lu trattu cu’ granni affettu,
ci dissi: “Sergiu, scinni, t’aspettu”.
Lu tempu era cavuru e bellu,
mi dissi: “Nannu, amuninni a Mondellu”.
S’avia livatu la giacca d’incoddu,
n’aviamu misu li peri già a moddu,
quannu chi a iddu, botta di sali,
pigghia e ci sona lu cellulari.
Sergiu rispunni e talìa a mia
e mentri parla lu viu chi giannìa.
Io, che attintavo li sôi discorsi,
ci dissi: “Sergiu, ma cu è chi ti morsi?”
“Ma chi murissiru veru tutti!
Su’ tutti vivi ‘sti farabutti!
Ad accurdarisi ‘un si firaru”,
mi dissi: “Nannu, arre’ m’incucciaru;
a stari a Roma ‘un mi firu cchiù
vogghiu jucari a lu Gioventù,
no stari ancora sutta la Lupa,
m’avia accattatu li carti di scupa.
All’urtimata pi quattru pirocchi -
e ci affacciaru li lacrimi all’occhi -
ora jè sugnu arrè cunzumatu
quannu parìa chi m’avia allibbirtatu.
N’atri sett’anni di camurrìa;
jè mi addisiassi ‘na malatìa”.
“Sì, però a mia ‘un mi vulisti attintari,
quannu ti dissi chi c’era di fari”.
A Mattarella ci l’avìa dittu
di chiamari lu papa Binirittu
e di l’Emeritu farisi spiegari
com’è chi si putìa allibbirtari”.
Lu presidenti si misi d’impegnu,
mi dissi: “Nannu, di Roma ora vegnu,
lu Papa emeritu mi detti cunsigghiu
mentri passiava ‘nta lu curtigghu”.
Lu cunsigghiu chi lu Papa ci desi a Mattarella
ora lu Nannu vi lu spiattella:
“P’allibbirtariti di tuttu e di tutti
A circari un gesuita chi ti futti”.
E dopu chi trattavu li potenti,
passamu a chiddi chi ‘un cuntanu nenti:
- - La GIUNTA COMUNALI è cosa senza storia,
fatta di trasi e nesci, è giunta provvisoria.
Ogni testa brillanti chi veni delegata
teni sulu tri ghiorna e si nni va schifiata.
Qualmenti, d’assessura cca nuddu è nominatu,
sulu a ‘na pocu d’iddi ci lassu lu legatu:
- - a l’assessuri Graziella ZIZZU
lassu di fari n’autru sirvizzu;
sturiassi anticchia senza premura
picchì ‘unn’è cosa di fari cultura,
e pi lu Paisi stassi bedda quasata
chi c’esti Bonannu chi fa la criata.
- - a l’assessuri Stefanu MISTRETTA
ci veni addutata ‘na bricichetta,
pi pedalari ‘nta la stratella
cu du’pedali, però senza sella.
- - A CIRRINCIONE E FOSCARI che son pentastellati
e nell’Empireo colto pertanto collocati,
entrambi professori di nobile intelletto
a cui sarebbe oscuro il misero dialetto,
gli lascio ancora stelle, astri di quelli buoni,
che sono sì le stelle, ma quelle di Negroni.
- - A lu CUNSIGGHIU lassu fenu e pagghia
chi cu la vucca china nuddu arragghia;
e la finissiru ccu ‘sta tinta farsa
picchì di tutti ‘sti negghi e cavatuna
‘un ci nn’ è unu chi penza e c’arraggiuna.
- - A la consigliera VICENZA VIOLA
vogghiu lassari ‘na grossa carriola
dunni putiri carricari
a l’assessura dimissionari;
li porta a lu Sinnacu e si fa spiegari
picchì si la vosiru squagghiari.
Ci lassu puru ‘na bedda scatula
e si cci sarva li chiacchiari ammatula.
- - Calogero MARTIRE lu vogghiu dutari
di un beddu lettu matrimoniali,
cu li linzola cusuti a manu
e si ci curca cu Enzucciu Alfanu.
Chi ora capaci lu fa assessuri,
ch’è matrimoniu di veru amuri.
Dicinu amuri pi la Città,
ma sa di cu è chi s’innamurà.
Ognunu d’iddi fa la sposina
ma po’ si tira la cuttunina;
dici l’anticu chi mai nun sgarra
chi pi la cutra è sempri la sciarra.
- - A ‘stu puntu qualcunu pô obiettari:
ma a lu sinnacu nenti ci ha’ lassari?
Rraggiuni aviti, ‘un ci detti ‘mportanza,
lu fici apposta, ‘un fu dimenticanza;
picchì a vuiatri vi pari normali
chi si scurdà di lu nostru spitali?
mentri nni trattanu comu l’armali
iddu chicchìa e va scanciannu occhiali.
Mai s’avia vistu un primu cittatinu
parlari cu l’accendu agrigendinu.
E pi cucucciu, ma vi pari logicu
chi ci nn’è n’atru a lu parcu archeologicu?
Speriamo possa esser transeunde
codesto direttor di Selinunde.
- - A Salinunti ci veni lassata
‘na ddaunara e ‘na ruspa scassata.
Ci lassu discursi sempri li stessi
promessi inutili e chiacchiari pessi;
ci lassu politici senza cugghiuna
mentri chi aspettanu li miliuna,
tutti li sordi di la Regioni
e di Nettunu la binirizioni.
E all’urtimu, ‘un vi parissi tantu stranu
chi lu portu l’avissi a fari Mimmu Turanu.
- - A Razza, a Tony Scilla, e a tutta la Regioni
lassu tantu citratu contru l’indigestioni,
chi si firaru ‘n quattru e quattr’ottu
manciarisi lu spitali e agghiuttisi lu portu.
- - Li TRISCINARA finalmenti si ponnu cunzulari,
ch’hannu chianciutu sempri ch’unn’hannu lungomari;
lu Patraternu avannu li vosi accuntintari:
lu lagu cu li papari, li vii fatti a ciumari.
- - Quannu fu di l’alluvioni
a PAPALLA li bidoni
ci scapparu a lu stratuni
cu l’alivi e passuluni.
Ammuttava cu la pala
cu lu fangu a la stivala,
li mutanni assapanati
e li cavusi sbutati.
E pi ‘sta putenti china
‘nta lu locu di MESSINA
li bidona su straviati
cu l’alivi già salati.
Dissi allura l’avvocatu,
cu lu gigghiu tuttu aisatu:
“Che raccolto eccezionale,
come me esso è speciale,
le mie piante han partorito
il prodotto già finito.
D’altra parte, non per niente
sono il solo intelligente!”.
Ma Papalla ‘ncaniatu
curri e va ni l’avvocatu:
“Francu, molla li biduna
e ‘un mi rumpiri ‘i cugghiuna,
c’è cu leggi c’è cu scrivi,
tu fa chiacchiari e jè alivi”.
- - A Peppi CURABA vogghiu ringraziari
chi l’arvulu ‘n piazza mi fici attruvari.
Lu sulu niputi chi ci vinni ‘n testa
di fari a Natali n’anticchia di festa.
Picchì la Comuni ‘un potti addubbari
dicennu chi sordi ‘un ni potti attruvari
e stava satannu pi avannu la festa,
ma no pi li sordi, ma picchì ‘un hannu testa.
- - ‘Nta l’Inghilterra ci su’ cosi torti,
a la Regina murìu lu consorti
e la sovrana Elisabetta
sparti di vedova arristà schetta;
ma la Regina ch’è tisa nanna
pi matrimoniu mannà a Partanna,
picchì la vecchia avennu la smania
dissi: “Jè vogghiu a NICOLA CATANIA”.
Ci sta scarennu lu mannatu
e pi unn’arristari disoccupatu
capaci aviri l’aspirazioni
di candidarisi a la Regioni.
Cola s’intrisica di lu spitali
e sempri affaccia ‘nta lu giornali,
pi lu problema di la marina
a Salinunti ci ju a prima matina.
Sempri vistutu beddu eleganti
p’ogni minchiata è a primu davanti,
dumanna tavoli istituzionali
pisciannu fora di lu rinali:
“Ora mi partu, ora lu fazzu”,
chiacchiarìa sempri e ‘un cunchiuri un cazzu.
Quannu arrivau l’inviatu reali,
Cola ci dissi: “Ci vogghiu pinzari
e si ‘unn’acchianu a la Regioni
mi stabilisciu a la Perfida Albioni.
Si mi maritu cu Elisabetta
ma di precisu soccu mi spetta?
Si a la Regina ci dicu sé
sicuramenti addiventu re”.
Ci arrispunniu l’inviatu reali:
“Di cumannari ti l’ha scurdari,
si la Regina ti vo’ pigghiari
tu sulu duca po’ addivintari”.
“Mi pari picca fari lu duca”
Betta ci dissi: “Allura, va suca!“
- - Ad Assunta CARLINU ci veni lassatu
un potentissimu carru armatu,
chi pozza vinciri li guerri tutti
e scafazzari li farabutti.
Picchì Assunta esti guerriera
cu la faretta di sita da sera.
‘Stu carru armatu jè ti lu fici
cu potentissima mitragliatrici.
S’ha’ travagghiari comu ‘na mula
però la guerra l’ha’ vinciri sula,
picchì a la guida di ‘stu carru armatu,
mia cara Assunta, ‘un c’è mancu un surdatu.
Ma ‘un ti scantari, cara niputi,
ci la po’ fari cu forza e saluti,
picchì li masculi cerca-mugghieri
su’ cosi inutili e ‘mpirugghiaperi.
- - A Francesco CALCARA ci lassu ‘na sciallina
pi quantu ‘un s’arrifridda la sira nni Giardina.
Gas e luci aumentaru, ‘un sulu la benzina
pi curpa di la guerra chi c’esti in Ucraìna.
Bellu è smurfiari carti di lu nostru Paisi,
pero’ a fini misi arrivanu li spisi:
Aureliu avi li pila e collari ‘un si pigghia
ma Cicciu pila ‘unn’havi e mentri scrivi aggigghia.
- - Ad Anna GELSOMINO ci lassu un postu novu,
vistu chi, a quantu pari, sappi cociri un ovu,
e doppu aviri tantu sturiatu e risturiatu
‘un sappi fallu frittu ma ci niscì squaratu;
e Anna è tantu mastra a fari sta cuttura
chi pi sazzari st’ova pi ora c’è la cura:
la Gelsomino cuoca richieste n’havi un sacco
ci fici lu contrattu perfino Carlo Scracco.
- - A Eliu INDELICATU ci lassu un’intervista,
però siddu ‘un si zitti ci nni dugnu ‘na pista.
Mio caro giornalista, ti pari sempri festa
e spari a dritta e a manca soccu ti veni ‘n testa.
- - A FLAVIO LEONE e ALESSANDRO QUARRATO
un dizionario lascio della Crusca illustrato
studiassiru la lingua ppi comu ‘nzigna Danti
e sti paroli ‘ngrisi ni livassiru davanti.
- - A FERRACANE aisu un calici di vinu
pi truzzari a lu premiu chi purtà di Berlinu;
a l’attori Fabbriziu tutta Castelvetranu
ci fa tantu di preu e un grossu battimanu.
- - Quannu si parla di la VIOLENZA,
Signuri, ni scanza; Signuri, pacienza.
Ma lu Signuri nni scanzassi sparti
di chiddi chi ‘un hannu né arti ne’ parti
e senza ch’avissiru un jornu sturiatu
si trovanu a capu di volontariatu.
A tutti piacissi - minchia ch’è bellu ! -
si d’in celu ti cari un novu sportellu,
accussì addiventi ‘na cosa grossa
e ti rialanu la casa rossa.
- - A chiddi chi hannu processi pronti
ci lassu di mettisi a culu a ponti.
Quannu lu PM ci fa la proposta
avranno pronta già la risposta,
chi ogni vota a la pubblica accusa
dannu risposta fasulla e fitusa.
Però ci dicu parlannu veru
a botta di pubblicu ministeru
chi a culu a ponti ci ponnu stari
però li cavusi ‘un s’hannu a calari,
picchì a li voti, o picca o assai,
a culu a ponti un si sapi mai
chi comu prerica e dici lu parrinu
pi ogni porcu c’è sempri un San Martinu.
- - A LOLA e a tutti li so parrucchieri
ci lassu un pilu di Massimo Ranieri.
- - A FLORA MALIARDA e a la bedda Luana
lassu ‘na troffa di lattuca romana.
- - Lassu a lu CIMITERU li morti sdurvicati,
li fratti tutti sicchi e li casci ammunziddati.
- - A li maladucati chi jeccanu munnizza
ci lassu ‘nta la canna ‘na rota di sosizza,
picchì ‘sti gran vastasi pi essiri ‘ngrasciati
comu carni di porcu sarannu capuliati.
Munnizza ‘nta li strati,
munnizza ‘nta lu chianu,
siddu li ‘ncocciu boni
jè ci tagghiu li manu.
- - A chiddi di Ars Nova chi hannu la cultura
ci lassu lu teatru chinu di muratura.
‘Nta lu teatru ‘un trasinu picciotti e picciriddi
chi lu teatru è bbonu sulu si servi a iddi.
Ci lassu sordi e beni comu ‘na principissa,
picchì iddi sunnu sperti e niatri semu fissa.
- - A lu beddu Peppi SALERNU
lu Nannu lassa un ricordu eternu.
E la sula gran vasata
di ‘sta bella carnevalata.
E stabilisci e pi sempri vali
chi ogni annu pi ogni carnevali
a Peppi un lassitu sia lassatu
pi sempri esseri arriurdatu.
MASCUNIATA
Junti a stu puntu vogghiu ringraziari
a tutti chiddi chi vosiru aiutari
Assunta e li Sibille ‘nta ‘sta azioni
d’un fari perdiri ‘sta vecchia tradizioni.
E fra chisti, pi st’annu, ci ‘nfilu la Regioni.
A Micheli Lucentini
lassu lignami e cascatini.
A D’Antoni di l’area quattordici
ci lassu un nastru e un paru di forbici;
ci fazzu puru tanti auguroni
pi fari ‘na bbona inaugurazioni.
A Ferro di l’articoli sportivi
ci lassu tanti atleti belli attivi.
Ci lassu a Terranova
‘na bedda vesta ‘n prova.
A Filippu Siragusa di la luci ‘na bulletta,
accussì quannu ci servi la nesci di ‘nsacchetta.
Al signor Tantaro di la benzina
ci lassu ‘na gita in Ucraina,
‘na pompa longa quantu tutta la Terra
pi putiri astutari ‘stu cazzu di guerra.
A tutti li studenti
viscotta pi li renti.
A maestri e professura
La DAD ad ogni ura.
A tutti l’avvocati
clienti cunzumati.
A ‘nfirmera e duttura
li frevi e li sudura.
Ci lassu a li parrini
mazzati nta li rini.
Lassu a li commercianti
‘na pezza pi davanti.
E a tutti li varvera
‘na pezza pi darrera.
A tutti li buttani
citrola sani sani.
A tutti li curnuti
lassu corpa di cuti.
A tutti li garrusi
vastunachi fitusi.
Lassu a li parrucchiera
‘na passiata a la fera.
A tutti chiddi schetti
lassu li me quasetti.
E a chiddi maritati
li còllari accattati.
A tutti li pompieri
‘na pompa ogni quarteri
Lassu a la polizia
burdellu pi la via.
A la guardia di finanza
‘na frittura di paranza.
A li vigili urbani
muzzicuna di cani.
A li carabbineri
cipuddi ‘nta li peri.
A vecchi e picciriddi
scocchi ‘nta li capiddi.
A tutti li mafiusi
lassu li porti chiusi.
A tutti chiddi onesti
vistita pi li festi.
A lu spitali ci vennu lassati
letti e strumenti chi foru arrubbati.
Di tutti li reparti n’arristaru ‘na para
picchì tutti l’avutri li purtaru a Mazara!
Puru lu puntu nascita lu carriaru a dda banna,
fa cuntu chi lu restu lu trascinanu a Partanna!
Ficiru tutti chiacchiari davanti a ‘stu casinu,
l’unicu chi lottà fu l’Orgogliu Belicinu!
A li Beati Morti lassassi tritolu
ppi fari càriri a lu citrolu
e ci mittissiru un candelotto
a li pileri di l’acquedotto.
Ma arriminannu ‘na pocu di carti
si vinni a sapiri ch’è un’opera d’arti.
E dissiru chiddi di Italia Nostra
ch’è monumentu di mettiri in mostra,
chi ni lu ‘mmìria tuttu lu munnu
e perciò dicu a cu ci sta ‘n tunnu:
puru chi siti tutti cacati,
‘stu cantacuccu ‘un lu tuccati;
chi la Comuni arripara li danni,
siddu ‘unn’è ora, a n’atri trent’anni!
A chiddu chi vulissi iapriri arrè la chiazza
lassu fumu di machini e guai si s’incazza.
A tutti li quarteri di tuttu lu paisi
ci lassu scaffi e fossa pi dunni sunnu misi.
REPITU DI LU NANNU
St’annu lu tistamentu
fu fattu e siggillatu
stati tranquilli tutti
chi a nuddu m’haju scurdatu;
e anchi si qualcunu un vinni ammintuatu
è signali sicuru c’un si l’ha miritatu,
e comu sannu bbonu tutti li megghiu genti
cu è cacatu seri ‘n pizzu e cu è curnutu si la senti.
Stati attenti a curari la me Castelvetranu
e a cu la sta affussannu livatila di mmanu,
e jè taliu a vuatri e vegnu arrè n’atrannu
mi firmu e mi confermu:
sugnu lu vostru NANNU.
CONGEDU DI LI NIPUTI
Giunti al fin della questione,
la marchesa ed il barone
sentimento volgon grato
a ciascuno che ha ascoltato;
e poiché questa Città
ha poeti in quantità
fin da adesso li preghiamo
e il testare gli affidiamo;
e diciam sinceri e lieti:
Dio ci scampi dai poeti.
